Vischnaunca

Administraziun communala
Kontakt
Uras da spurtegl
Kontakt

Survetsch da spurtegl

Gliendisgis - venderdis:
09:00 - 11:00
15:00 - 16:00

Termins da spurtegl ordeifer las uras d'avertura san vegnir reservai ordavon per telefon sut 081 920 60 00 ni per e-mail info@lumnezia.ch.

La vischnaunca ademplescha las incumbensas che sepresentan ad ella en favur dil beinstar dalla communitad. Ella promova il svilup cultural ed economic, il beinstar social e general da sias habitontas e ses habitonts sco era il manteniment persistent dalla basa da viver naturala.

L’autoritad suprema en vischnaunca ei la cuminonza dallas persunas cun dretg da votar. Sco legislativa excercitescha ella ses dretgs all’urna ni alla radunonza communala. La suprastonza communala ei l’autoritad administrativa e poliziala dalla vischnaunca. L’executiva cun nov departaments secumpona dil president communal e dad otg ulteriurs commembers. L’organisaziun operativa cumpeglia l’administraziun generala cugl uffeci da baghegiar, il survetsch tecnic ed igl uffeci forestal.

Las autoritads ed ils emploiai capeschan lur incumbensas sco survetsch alla communitad. Finamira ei d’exequir las lavurs effectivamein ed a moda cunvegnenta per cuntentientscha dils vischins. Quei denton adina a moda raschuneivla cun respectar aspects economics ed ils mieds finanzials disponibels.