Per che nus sappien registrar la partenza en nos registers, stueis Vus annunziar giu enteifer 14 dis. Vus saveis far quei sur il sistem eUmzug ni cun vegnir sin il spurtegl dalla controlla da habitonts.
Tier l'annunzia persunala da partenza supplichein da tschentar ora avon il formular da partenza.
Impurtont: La partenza egl exteriur sto vegnir annunziada persunalmein sil spurtegl dalla controlla da habitonts. L’annunzia electronica ei en quei cass buca pusseivla!
Vus saveis s'annunziar giu persunalmein sil spurtegl dalla controlla da habitonts ni per e-mail sut la suandonta adressa: info@lumnezia.ch
Aschilunsch che l’adressa en Vossa vischnaunca semida, stueis Vus far l’annunzia enteifer 14 dis sil spurtegl dalla controlla da habitonts en casa communala a Vella ni annunziar la midada sur il sistem eUmzug.
Ulteriuras informaziuns
Tier ina spediziun per posta vegn quintau in augment da spesas.
Administraziun communala Lumnezia
Palius 32D
7144 Vella
Telefon +41 81 920 60 00
Fax +41 81 920 60 18
info@lumnezia.ch