Auto da posta d'unviern

Duront il temps d'unviern sa igl auto da posta sin las lingias Glion - Vrin, Glion - Sursaissa Friggahüs e sillas ulteriuras lingias egl entir territori dalla vischnaunca Lumnezia sco era silla lingia Glion - Luven vegnir nezegiaus gratuitamein. Il spazi da temps actual vegn publicaus cheu all'entschatta dalla nova sesiun d'unviern.

Desisti sigl auto e nezegiei la mobilitad culs mieds da transport publics. Mei cumadeivlamein el territori da skis, fagei spassegiadas d’unviern ni visitei ils vitgs en la Lumnezia ed entuorn il Mundaun.

Indigens e possessurs da secundas habitaziuns el vischinadi da Suraua supplichein nus da s’annunziar tier l'administraziun communala Lumnezia per survegnir in abonnament gratuit per la lingia Glion - Camuns/Uors/Tersnaus spartavias e Tersnaus spartavias/Uors/Camuns - Glion.

Nus selegrein sin Vossa viseta ella Val Lumnezia.