La proxima radunonza communala dalla vischnaunca Lumnezia ha liug venderdis, ils 7 d’uost 2026 allas 20.00 uras ell’aula dalla casa da scola Sutvitg a Vella.

Per la sanaziun dalla via cantunala da Lumbrein sto la via vegnir serrada cumplein naven dils 27 da fenadur 2026 entochen ils 07 d'uost 2026.

La vischnaunca ha previu d'aschuntar in mir da sustegn tier la via da meglieraziun a Catrutg, Vignogn.

La serrada dalla via da meglieraziun denter Dentergneida, Degen e Chischagl, Degen sto muort lavurs da lenna cuntinuontas vegnir prolunghida entochen ils 29 da fenadur 2026.

Il protocol dalla radunonza communala Lumnezia dils 19 da zercladur 2026 (2026/03) ei exponius per investa dils votants en casa communala a Vella ed ei accessibels silla pagina d’internet dalla vischnaunca sut il link www.lumnezia.ch/rm/vischnaunca/politica/radunonzas-communalas.

La vischnaunca Lumnezia porscha tier la Val Tiarm denter Degen e Vignogn lenna da brisch dira naven dalla via d'uaul per bunas cundiziuns.

Nominaziun da Vella sco "il pli bi vitg svizzer digl onn 2026".

La vischnaunca Lumnezia enquera sin l'entschatta uost 2027 in/a emprendist/a mercantil/a ell’administraziun communala.

La schitgira cuntinuonta sco era las temperaturas sur la media meinan en Surselva ed egl entir cantun Grischun ad in ferm augment dil prighel d'incendis d'uaul. Per proteger carstgaun, animal ed ambient vala perquei ell'entira Surselvain scamond absolut da far fiug.

Naven da gievgia, ils 18-6-2026 tschaffa in'unda da calira marcanta la Svizra che cuoza probablamein silmeins entochen margis proxim.