Politica

La vischnaunca Lumnezia ei ina corporaziun territoriala dil dretg public. Ella consista dallas persunas sesentas sin siu territori e secumpona dils vischinadis Cumbel, Degen, Lumbrein, Morissen, Suraua, Vella, Vignogn e Vrin.

Ils organs communals ein la cuminonza da votants all'urna, la radunonza communala, la suprastonza communala, la cumissiun da gestiun ed il cussegl da scola.

La suprastonza communala elegia ina cumissiun da baghegiar. Il stab directiv communal secumpona dil president communal, il menader operativ dil survetsch tecnic, il cumandant da pumpiers, il canzlist communal ed il schef dil departament per traffic, ovras publicas ed ambient.