La vischnaunca porscha ad indigens e hosps las suandontas pusseivladads da carrar cul traffic public:
Cheu arriveis Vus tier la reservaziun dallas cartas dil gi dalla vischnaunca ch'ei valeivla per quasi tut ils mieds publics en Svizra.
Cun auto
Sur l'autostrada A3 / A13 da Cuera sur Flem / Laax entochen Glion ni tras Panaduz sin la via veglia sur Versomi per liung dalla cavorgia dil Rein (Ruinaulta) e silsuenter en direcziun Lumnezia (Vella - Vrin).
Naven dalla Svizra centrala ed il Valleis da Andermatt sur igl Alpsu (Cuolm d'Ursera) tras Disentis/Mustér tochen Glion, silsuenter en direcziun Lumnezia (Vella - Vrin). Naven da Nadal entochen Pastgas circulescha in tren da transportar autos Andermatt - Sedrun - Andermatt. Il traject sur il pass digl Alpsu a 2'033 m altezia cuoza approximativamein 60 minutas.
Naven dil Tessin sur il Cuolm Lucmagn a 1'972 m altezia tras la val Medel, Disentis/Mustér tochen Glion e silsuenter en direcziun Lumnezia (Vella - Vrin).
Cun mieds da transport public
Naven da Cuera entochen Glion cun la Viafier Retica.
Ulteriuras informaziuns www.rhb.ch
Naven dalla Svizra centrala da Göschenen ad Andermatt sur igl Alpsu entochen Disentis/Mustér cun la Viafier Matterhorn Gotthard e vinavon cun la Viafier Retica entochen Glion.
Ulteriuras informaziuns www.mgbahn.ch
Naven da Glion circuleschan autos da posta regularmein ella Lumnezia (Vella - Vrin).
Ulteriuras informaziuns www.postauto.ch
