Lubientscha per occurrenzas

Per menar atras in'occurrenza publica cun intent commercial drova ei ina lubientscha communala per menar ustria. La damonda per la lubientscha sto vegnir inoltrada 30 gis ordavon e cuntener las suandontas informaziuns:

  • las persunalias e l'adressa dalla persuna, alla quala la lubientscha duei vegnir concedida
  • las indicaziuns exactas tier l'occurrenza
  • il cuoz giavischau dalla lubientscha

La vendita da bubrondas barschadas basegna in'ulteriura lubientscha dil cantun Grischun. Quella damonda sto medemamein vegnir inoltrada alla vischnaunca Lumnezia. Il formular corrispundent anfleis Vus cheu.

Sche Vus meneis atras lottarias ni tombolas esses obligai da far ina annunzia direct tier igl uffeci da migraziun e da dretg civil dil cantun Grischun. Vus anfleis las informaziuns leutier cheu.

Dapli informaziuns anfleis Vus ella lescha dalla vischnaunca Lumnezia, mira sutvart e sin la pagina d'internet dil cantun Grischun tier il tema occurrenzas da fiasta.

Cheu saveis Vus reservar las localitads dalla vischnaunca.

Annunziar Voss'occurrenza

Organiseis Vus in'occurrenza ella vischnaunca Lumnezia e leis publicar quella sin nossa pagina d'internet? Il formular corrispundent anfleis Vus cheu.