First Responder Plus

Emprems provediders per ils fatgs da salvament el cantun Grischun

En situaziuns cun prighel da mort han mesiras d’emprem agid duront las empremas minutas in’influenza decisiva per il surviver da persunas ch’ein grev malsaunas ni che han giu in accident. En grondas parts dil cantun Grischun drova ei in liung temps entochen ch’igl emprem agid professiunal arriva al liug digl eveniment. Per quei motiv procuran gidontras e gidonters, aschi numnai First Responders, per emprem agid da pazientas e pazients en cass d’urgenza, entochen ch’igl agid professiunal arriva.

La regenza dil cantun Grischun ha dau l’incumbensa ad il Salvament alpin svizzer (SAS) da stabilistar e menar l’organisaziun. La finamira ei dad organisar 70 gruppas da First Responder Plus egl entir cantun.

Era en la vischnaunca Lumnezia vegn mess en funcziun ina tala gruppa all'entschatta digl onn 2022.

Vuleis Vus era esser part dalla gruppa da First Responder Plus en la vischnaunca Lumnezia? Lu s'annunziei tier nus!

Contact
Kontakt
Dateiliste