La vischnaunca Lumnezia metta a disposiziun suandontas parcellas el dretg da baghegiar:
A Vella ha la vischnaunca neginas parcellas ella zona da baghegiar.
Las parcellas dalla vischnaunca Lumnezia vegnan vendidas en dretg da baghegiar.
Risguardadas vegnan en emprema lingia famiglias indigenas. Denter auter vegn pretendiu che las scartiras seigien deponidas tier la vischnaunca e restien era cheu.
Medemamein sto il center da viver dalla famiglia esser en Lumnezia.
Sco famiglia valan cuminonzas da viver, che separticipeschan e contribueschan activamein cun lur liug da viver ed il domicil da taglia alla veta sociala e cumineivla dalla vischnaunca.
Aschilunsch che Vus ademplis ni quinteis d'ademplir quellas cundiziuns, vegnis Vus supplichei da tarmetter in scriver da damonda alla suprastonza communala Lumnezia (quei sa succeder per e-mail: info@lumnezia.ch).
En quei scriver duess esser cunteniu:
- circumstanzas da veta (liug da domicil actual, hobis)
- situaziun da famiglia (commembers, vegliadetgna)
- situaziun da lavur (patrun actual, evt. plazza futura)
- motivs da vuler habitar en Lumnezia
- ulteriuras informaziuns individualas
La damonda vegn tractada dalla suprastonza communala.
Lezza decida davart ina pusseivla vendita en dretg da baghegiar e fixescha eventualas ulteriuras cundiziuns.
Administraziun communala Lumnezia
Palius 32D
7144 Vella
Telefon +41 81 920 60 00
info@lumnezia.ch