La partiziun finanzas/persunal ei responsabla per l'execuziun dallas expensas ed entradas. Ils collaboraturs elaboreschan denter auter plans da finanzas, preventivs e quens annuals. Plinavon ein els responsabels per ils fatgs dil persunal. Igl accumpignament dils emprendists succeda medemamein entras la partiziun finanzas/persunal.
Administraziun communala Lumnezia
Palius 32D
7144 Vella
Telefon +41 81 920 60 00
info@lumnezia.ch
Tenor igl art. 9 al. 1 dall'Ordinaziun da persunal per la vischnaunca Lumnezia han collaboraturs che lain tgirar lur affons encunter pagament entras tiarzas persunas ordeifer la tgira genituriala il dretg da retrer il supplement per la tgira.
Art. 9 al. 4 ha reglau il modus da far la damonda:
La damonda per il supplement per la tgira d'affons entras tiarzas persunas sto vegnir inoltrada ina ga ad onn entochen ils 30 da november tier la partiziun da persunal cun in formular corrispundent ed ensemen cullas aschuntas ch'ein menziunadas leu. En cass d'ina naschientscha ni d'ina entrada en plazza sto il formular da damonda vegnir inoltraus enteifer 30 gis ensemen cullas aschuntas ch'ein menziunadas leu. Il formular da damonda vegn mess a disposiziun silla pagina d'internet dalla vischnaunca. Il menader dalla partiziun persunal decida davart la concessiun dall'indemnisaziun. Damondas inoltradas cun retard ni incumplettas vegnan buca risguardadas pigl onn corrispundent.
La vischnaunca finanziescha ils cuosts da construcziun, menaschi, manteniment e renovaziun dils implonts da provediment d‘aua e d’aua piarsa entras contribuziuns da colligiaziun e taxas annualas che cuvieran ils cuosts.
Dapli informaziuns tier il provediment d'aua e la dismessa d'aua piarsa
Per objects che vegnan colligiai per l’emprema gada als implonts da provediment d’aua e d’aua piarsa dalla vischnaunca, ei da pagar ina contribuziun unica per la colligiaziun. Tier renovaziuns, sanaziuns ni midadas posteriuras dad edifecis ch’effectueschan in augment da varga 20% dalla valeta nova tenor il schazetg ufficial, eis ei da pagar in supplement. Vitier vegn aunc la taglia da plivaleta.
Dapli informaziuns tier il provediment d'aua e la dismessa d'aua piarsa
Per promover il turissem incassescha la vischnaunca Lumnezia ina taxa da hosps ed ina taxa turistica.
Las ovras da meglieraziun cumpeglian principalmein las vias da funs, las deviaziuns d’aua, drenadis e provediments d’aua eregi entras las anteriuras societads da meglieraziun. Per confinanziar ils cuosts da manteniment sco era ils projects da sanaziun dallas ovras da meglieraziun ordeifer la zona da baghegiar incassescha la vischnaunca ina taxa annuala da manteniment dils proprietaris da beins immobiliars.
Taxa per terren agricol (LN)
CHF 0.36/ara
Taxa sin objects buca agricols ordeifer la zona da baghegiar sin la valeta assicurada tenor indicaziun dall’Assicuranza d’edifecis dil Grischun
0.51 ‰
Taxa per antennas d’emissiun
CHF 300.00
Taxa per pastiras ed alps privatas
CHF 1.00/occupaziun normala
Taxa minimala per proprietari
CHF 30.00
Persunas cun domicil ella vischnaunca da Lumnezia ein per regla obligadas da prestar survetsch da pumpiers naven dil 21avel entochen il 50avel anniversari. Quei vala era per persunas digl exteriur cun ina lubientscha da dimora annuala. Dils habitonts che vivan en ina lètg ni en in partenadi registrau ei mo in dils partenaris obligaus da prestar survetsch da pumpiers.
Persunas obligadas al survetsch da pumpiers che prestan negin survetsch da pumpiers activ pagan annualmein ina taxa da cumpensaziun. Quella importa CHF 300.00. Dimorants duront l’jamna han da pagar mo la mesadad dalla taxa. Persunas ch’arrivan ni che bandunan la vischnaunca duront igl onn ora pagan la taxa da cumpensaziun pro rata.
En tuttas zonas da parcar dalla vischnaunca vala in scamond da parcar duront la notg naven dallas 00.00 entochen las 07.00 – cun in’excepziun – sil plaz avon la casa da scola a Vella vala il scamond da parcar duront la notg entochen las 06.00. Nua ch’igl ei signalisau, sa vegnir parcau duront la notg cun pagar la taxa corrispundenta:
| 24 uras | CHF 5.00 |
| 1 jamna | CHF 20.00 |
| 1 meins | CHF 50.00 |
| 6 meins | CHF 200.00 |
| 1 onn | CHF 400.00 |
La vischnaunca promova il diever d’energias regenerablas sco era mesiras da spargnar energia sin intschess dalla vischnaunca Lumnezia.
Las damondas per contribuziuns san vegnir inoltradas cun agid dils suandonts formulars:
- Damonda da contribuziun per remplazzar apparaturas da tenercasa
- Damonda da contribuziun per projects
Legislaziun
Ulteriuras informaziuns
Selina Crivelli
menadra finanzas/persunal
Celine Deplazes
emploiada mercantila
Daniel Wolf
emploiau mercantil
Nicole Pelican
emploiada mercantila
Chiara Solèr
emploiada mercantila