La fin digl onn ei per nus tuts ina caschun da mirar anavos, da reflectar ed appreziar ils muments da cuminonza. Nadal ei il temps nua che l'amur, il respect e l`appreziaziun vegnan resenti fermamein – valurs che portan nus sco societad e che han accumpignau nus duront igl onn.
Igl onn 2025 ei staus intensivs, denton ensemen havein nus dumignau las biaras sfidas.
Nus vein in l`auter susteniu ed adina tgirau ina demanonza plein respect ed engrazievladad. Persuenter engraziel jeu a Vus cordialmein.
L'amur per la patria, il respect per la diversitad en nossa cuminonza e l`appreziaziun per igl engaschament da mintgina e mintgin ein il fundament e las petgas, sin las qualas nossa cuminonza sebasa.
Senza igl engaschament da mintgin e mintgina ch`ein s`engaschadas per il beinstar da nossa cuminonza – seigi quei en uniuns, en uffecis ni en il mintgadi – fuss il setener ensemen ed esser cheu in per l`auter buca pusseivels.
Per la fin digl onn less jeu perquei bugen accentuar surtut ina caussa; Engrazieivladad.
Engrazieivladad per quei che nus vein contonschiu communablamain, per ils muments da convivenza e per la fermezia che regia en nossa cuminonza.
Jeu giavischel a Vus cars convischins e caras convischinas ed a Vossas famiglias ina biala fiasta da Nadal ed ina finiziun digl onn plein carezia. Possi igl onn niev purtar a nus inspiraziun, carezia e respect vicendeivel
In bien niev onn da buna sanadad, cuntentientscha e da bials muments en cuminonza.
Vies president communal
Daniel Solèr