Sebasond sin art. 22 dall'ordinaziun cantunala per la planisaziun dil territori sco era sin ils art. 62 e 63 dalla lescha cantunala per la planisaziun dil territori ha la suprastonza communala Lumnezia decidiu a caschun dalla seduta dils 2 da mars 2026 d'instradar la procedura da contribuziun e fixau il territori cumpigliau sco era fixau la cumpart previda dils cuosts dalla renovaziun dalla Via Crusch per 'interessenza publica e privata tenor "concept d'interessenza publica tier renovaziuns da vias".
Intent:
Sanaziun dalla Via Crusch, Vrin
Cumpart dils cuosts:
Part publica 20 %
Part privata 80 %
Cunfinaziun perimeter da contribuziun:
La cunfinaziun da perimeter da contribuziun ei indicaus el plan d'exposiziun
Realisaziun da via:
La via che duei vegnir realisada ei medemamein veseivla ord il plan d’exposiziun.
Acts d’exposiziun:
Plan da situaziun Via Crusch, Vrin, 1:100
Profil normal Via Crusch, Vrin, 1:50
Temps d’exposiziun:
Naven dils 13 da mars entochen ils 12 d’avrel 2026 (30 gis)
Liug e temps d’exposiziun:
Canzlia communala, duront las uras da spurtegl
Protestas:
Encunter l’introducziun dalla procedura da contribuziun, encunter il perimeter da contribuziun previu dalla via da quartier sco era encunter las cumparts dils cuosts per l’interessenza publica e privata san tuttas persunas cun in interess schurmegiau inoltrar ina protesta enteifer 30 gis dapi questa publicaziun. La protesta ei d’inoltrar a scret e motivada alla suprastonza communala.