Il material da votar ei vegnius repartgius entras la posta.
Pusseivladads da votar:
all'urna a Vella en casa communala
mesjamna entochen venderdis, ils 24/09/ - 26/09/2025 duront las uras da spurtegl
dumengia, ils 28/09/2025 denter las 10.00 e las 11.00
per correspondenza en las scaffas da brevs dallas anteriuras casas communalas
els vischinadis da Cumbel, Degen, Lumbrein, Morissen, Suraua, Vella, Vignogn, Vrin
entochen dumengia, ils 28/09/2025 allas 10.00
per correspondenza via posta
entochen venderdis, ils 26/09/2025. La brev ei da surdar alla posta baul avunda per che la distribuziun sappi succeder avon il gi da votaziun.
per E-Voting
entochen sonda, ils 27/09/2025, all’urna electronica
Per la votaziun all'urna eis ei da presentar il certificat dil dretg da votar. Mintga votant/a sto ir persunalmein a votar, substituziuns ein buca lubidas.
Tier la votaziun per correspondenza ei d’emplenir ora ils cedels da votar e metter quels en la cuviarta da votar grischa. Suttascriver la declaronza sil certificat dil dretg da votar. Senza suttascripziun ei la votaziun nunvaleivla. Metter la cuviarta cun ils cedels da votar ed il certificat dil dretg da votar en la cuviarta alva che haveis retschiert.
Las persunas ch’ein s’annunziadas per igl E-Voting retscheivan mintgamai il cedel da legitimaziun cun las indicaziuns necessarias per posta.
Correcturas d’adressas ni giavischs per retrer las documentaziuns da votar en in auter lungatg ein da communicar en scret alla canzlia communala Lumnezia.
Remarcas
Las scaffas da brevs els vischinadis stattan vinavon a disposiziun per las votaziuns.