Per tgei va ei?

L'adressaziun d'edifecis enteifer la vischnaunca Lumnezia corrispunda buca pli allas pretensiuns/prescripziuns dalla confederaziun e dil cantun.

Ei exist'actualmein negin'adressaziun consistenta tenor ils nums dallas vias. Ils edifecis ein actualmein tschaffai ensemen en aschi numnai «territoris numnai».

La numeraziun dils edifecis sebasa actualmein sin las numeras d'assicuranza dalla segirada d'edifecis dil cantun Grischun (GVG), enstagl d'ina numeraziun successiva.

Cun quest project vegn l'adressaziun enteifer l'entira vischnaunca unificada e transferida en in'adressaziun conforma alla lescha. La vischnaunca persequitescha leutier la varianta culla numeraziun da cefras spèras dalla vart seniastra dalla via e da cefras pèras dalla vart dretga.

Tgei ein las basas legalas?

Confederaziun

431.01 Bundesstatistikgesetz (BstatG), Art. 10, Abs. 3bis

431.841 Verordnung über das eidgenössische Gebäude- und Wohnungsregister (VGWR), Art. 4 und Art. 8, Abs. 2

510.625 Verordnung über die geografischen Namen (GeoNV), Art. 25, 26b

Tenor art. 25 GeoNV 25 vala:

¹ Alle Strassen in Ortschaften und anderen bewohnten Siedlungen werden benannt.

² Benannte Gebiete dürfen verwendet werden, wenn keine Strassen, Wege oder Plätze bestehen, die benannt werden können.

³ Die Schreibweise der Strassennamen, die Elemente der geografischen Namen der amtlichen Vermessung übernehmen, wird auf regionaler Ebene harmonisiert.

Tgei ein ils avantatgs dalla nov'adressaziun?

• Ina numeraziun logica, tenor nums dallas vias simplifichescha d'anflar ils edifecis.
• Cuosts e spesas en connex cun fallidas transmissiuns entras la posta ni furniturs crodan.
• En cass d'urgenza e per la segirtad: ambulanza, polizia, pumpiers vegnan buca menai tier la fallid'adressa (gudogn da temps custeivel).
• Hosps e jasters san s'orientar pli spert el liug (adressas logicas cun inscripziuns leutier).
• Las numeras d'assicuranza tenor la segirada d'edifecis (GVG) vegnan a curdar naven ils proxims onns. Igl engaschi administrativ per l'adressaziun vegn pli pigns per la vischnaunca.

Ein las actas publicadas ufficialmein era disponiblas ella reit (online)?

Ils plans publicai (plans locals dils territoris dils vitgs, plans da survesta dils territoris agricols e da muntogna, register dils nums dallas vias) ein publicai sin la pagina d'internet dalla vischnaunca www.lumnezia.ch.

Co va ei vinavon?

Suenter finiziun dalla procedura legala (publicaziun, purificaziun dallas protestas) vegn la nov'adressaziun introducida approximativ igl 01. da november 2026.

Vus obtenis ad uras ulteriuras informaziuns partenent las novas tablas da vias sco era in scriver per midar gratuitamein l'adressa tier igl uffeci per il traffic sin via ed il register da commerci.

Haveis vus damondas?

Bugen prendin nus era encunter las damondas telefonicamein. Vus contonschis nus suandontamein:

Vischnaunca Lumnezia, Palius 32D, 7144 Vella,Tel. 081 920 60 07