L'ovra da mesiraziun dalla vischnaunca Lumnezia, extensiun AV-GWR, sort 12, davart la nova registraziun dallas adressas dils edifecis per igl entir territori da vischnaunca vegn exponida publicamein tenor art. 22 dalla lescha cantunala da geoinformaziun (LCGeo; DG 217.300).
Actas d'exposiziun:
- Register cun ils nums valeivels dallas vias
- Plans da localisaziun Camuns, Cons, Cumbel – Peiden, Cumbel – Val Gronda, Degen, Lumbrein, Morissen, Peiden Bogn, Pruastg – Silgin, Puzzatsch – Vanescha, Rumein, Sogn Andriu – Nussaus, Sogn Giusep – Ligiazun, Surcasti, Surin, Tersnaus, Uors – Runs, Vattiz, Vella, Vignogn, Vrin
- Plans da survesta nr. 1-9
- Plan cun las cefras postalas e vischinadis
Liug d'exposiziun:
Administraziun communala, Palius 32D, 7144 Vella
Cuoz dall'exposiziun:
Naven dils 02 d’avrel 2026 entochen ils 04 da matg 2026
Informaziuns:
Ils 23 d’avrel 2026, naven dallas 17:00 uras entochen allas 19:00 uras, stattan il cau da departament communal ed igl inschignier geometer a disposiziun per informaziuns el local d'exposiziun.
Tgi che cumprova in interess legitim sa inoltrar protesta a scret tenor art. 23 LCGeo tier la suprastonza communala Lumnezia, Administraziun communala, Palius 32D, 7144 Vella, entochen sil pli tard ils 04 da matg 2026 (datum dil bul postal). La protesta sto cuntener ina proposta, ils fatgs ed ina motivaziun sco era la numera dallas parcellas resp. dall’adressaziun sco tochen dacheu.