A Vattiz/Resgia dispona la vischnaunca da terren en zona da mistregn (parcella nr. 8165). Sebasond sin pliras damondas ha la suprastonza communala decidiu d’affittar il terren sco deposit per vehichels. Il terren vegn affittaus per temps limitau sco liug da deposit per vehichels da mistregn, vehichels da fatschenta e camiuns. Il terren vegn denton buc affittaus per vehichels per die ver privat sco per exempel rulottas.
Fatschentas e persunas interessadas san inoltrar in’annunzia cun indicar la surfatscha giavischada e cun indicar ils tips da vehichels (camiuns, vehichels da fatschenta e.a.v.) ch’ein previ per il liug da deposit. Annunzias ein d’inoltrar alla suprastonza communala per e-mail (info@lumnezia.ch) entochen ils 15 da zercladur 2026. Sebasond sin las annunzias vegn la suprastonza communala a decider davart l’affittaziun, il tscheins annual ed ulteriurs fatgs dil contract d’affittaziun. Nus supplichein per enconuschientscha.
Publicaziuns ufficialas