La vischnaunca Lumnezia enquera candidats e candidatas per cumplettar la suprastonza communala per il rest dalla perioda d'uffeci 2025-2028.
Candidaturas ni propostas d'elecziun per in’autoritad communala san vegnir inoltradas da mintga persuna cun dretg da votar en scret alla canzlia communala. Quellas han da cuntener il num exact dalla candidata ni dil candidat e sin tgei uffeci che la candidatura ni la proposta d'elecziun sereferescha. Entochen il di dad oz ei vegniu inoltrau in’annunzia.
Mintga persuna cun dretg da votar sa inoltrar mo ina ga ina proposta d'elecziun. Ina proposta d'elecziun astga cuntener sil pli bia tons nums da persunas elegiblas, sco quei ch'ei ha uffecis vacants. Per la perioda d'uffeci 2025 - 2028 ein quater sezs dalla suprastonza communala vacants.
Per ch'ina proposta d'elecziun seigi valeivla, sto quella esser suttascreta dalla persuna che fa la proposta e dalla persuna che vegn proponida.
La vischnaunca publichescha candidaturas e propostas d'elecziun ch'ein valeivlas sin sia pagina d'internet per informaziun. Sil pli tard ils 03 d’uost 2026 vegnan las candidaturas e las propostas d'elecziun publicadas els organs da publicaziun dalla vischnaunca. Candidaturas e propostas d'elecziun che vegnan inoltradas memia tard, vegnan buca publicadas.
Ils termins dalla procedura d'elecziun sebasan sillas directivas digl e-voting, ch'ein surordinadas e mettan duront il temps da pilot pigl e-voting ord vigur ils termins stipulai els artechels corrispundents dalla Constituziun dalla vischnaunca Lumnezia (011.100). Il proceder sco tal ei da suandar tenor ils artechels dalla constituziun communala.
22-06-2026 publicaziun dils sezs vacants per uffecis communals
27-07-2026. davos termin per inoltrar candidaturas per uffecis communals
31-07-2026. davos termin per eventuala retratga da candidaturas