Vella ei vegniu nominaus sco in da nos vitg da nossa vischnaunca Lumnezia per l'elecziun sco "il pli bi vitg svizzer digl onn 2026". Quella nominaziun ei ina distincziun speciala per nies vitg, nossa vischnaunca e per igl engaschi da tut ils carstgauns ch'empleneschan nossa Vallada cun veta. Nossa cuntrada singulara, la reha ierta culturala, la hospitalitad ed il ferm senn da cuminonza ein valurs che dattan a Vella sco era tut ils vitgs da nossa vischnaunca ina tempra speciala e fetg simpatica.
Ussa schai ei vid nus: Mintga vusch quenta!
Cheu saveis Vus votar: https://dorfdesjahres.schweizer-illustrierte.ch/kandidaten (la votaziun cuoza entochen dumengia, ils 26 da fenadur 2026)
Cordialmein engrazia la vischnaunca Lumnezia per Vies sustegn. Lein procurar communablamein che Vella vegni percepida lunsch sur ils cunfins dalla Val Lumnezia ora sco quei che nus savein gia daditg: in vitg cun in scharm special, gronda qualitad da viver ed ina cuminonza viva.