La schitgira cuntinuonta sco era las temperaturas sur la media meinan en Surselva ed egl entir cantun Grischun ad in ferm augment dil prighel d'incendis d'uaul. Per proteger carstgaun, animal ed ambient vala perquei ell'entira Surselva in scamond absolut da far fiug.
Il scamond cumpeglia cunzun il far fiug el liber sco era il far diever da fueinas egl uaul ed ella vischinonza digl uaul. Era il diever senza quitaus cun rauba da fimar ei d'evitar strictamein. La populaziun vegn supplicada urgentamein da suandar consequentamein las instrucziuns e da far la pli gronda precauziun.
Gia las pli pintgas malprecauziuns san sut las cundiziuns actualas menar tier incendis desastrus. Las autoritads observan cuntinuadamein la situaziun ed informeschan tier midadas dalla situaziun.
Dapli informaziuns anfleis Vus cheu.
Indicaziuns da cumportament:
- en general negins fiugs el liber
- fueinas endrizzadas fixamein (terren betunau!) san vegnir duvradas cun tutta precauziun en loghens indicai dallas autoritads!
- negin fiug tier ferm vent
- suandar exnum las instrucziuns (scumonds da far fiug) dallas autoritads localas!
