Publicaziuns ufficialas
Tenor la lescha cantunala davart ils dis da ruaus publics (DG 520.100, art. 4 al. 2 lit. B) ein lavurs agricolas ch'ein dependentas dall'aura lubidas mo sch'ei smanatscha il prighel che la raccolta vegni svaletada ni ruinada.
Il medem vala tenor la Lescha davart igl uorden public dalla vischnaunca Lumnezia:
Art. 25 Immissiuns dall’agricultura e horticultura
2 Duront dis da ruaus publics e locals tenor art. 21 ein lubidas lavurs agricolas ch'ein dependentas dall'aura mo sch'ei smanatscha il prighel che la raccolta vegni svaletada ni ruinada.
3 Duront dis da ruaus publics e locals eis ei scumandau da trer grascha e puschina sco era da segar praus e pastgets.
Senza necessitad urgenta eis ei scumandau da fenar la dumengia.