A caschun dalla sesida dils 9 da november 2026 ha la suprastonza communala giudicau la situaziun pertuccont il provediment d’aua en vischnaunca. La situaziun actuala sforza da prender empremas mesiras concretas e da planisar co segirar il provediment d’aua pil cass che las fontaunas d’aua portien vinavon adina pli pauc’aua.
Sco empremas mesiras ha la suprastonza decidiu ch’ei seigi naven d’immediat scumandau generalmein da retrer aua da hidrants. Tier basegns d’aua naven da hidrants eis ei da tschentar ina damonda all'administraziuna communala.
El decuors dil proxim temps vegn l’aua tschentada giu tier ils begls publics. Ils begls cun svidada vegnan tschentai giu dil tut. Tier ils begls senza svidada vegn schau cuorer minimalmein aua per che las lingias schelien buca. Davart igl ulteriur svilup ed eventualas adattaziuns dallas mesiras vegn informau cuntinuadamein.