Dacuort ein vegni tarmess ils quens per la taglia da tgauns 2026 als proprietaris ch’ein registrai ella banca da datas da tgauns AMICUS. Tgi che posseda in tgaun ed ha buca survegniu in quen ei obligaus da s’annunziar tier l’administraziun communala. Tuts tgauns ston vegnir marcai cun in microchip ed impurtai el register AMICUS sil pli tard 3 meins suenter la naschientscha.
La taglia da tgauns munta a CHF 50.00 per igl emprem tgaun e CHF 100.00 per mintga ulteriur tgaun che vegn tenius el medem tenercasa. Sch’il tgaun vegn buca tenius duront igl entir onn sil territori communal, vegn la taglia tuttina debitada per igl entir onn (art. 14 lescha da taglia communala). Deliberai dalla taglia ein tgauns da polizia e da lavina, tgauns per menar tschocs e suords, tgauns da saung e tgauns da schurmetg.
Administraziun communala Lumnezia