Project nr. L-2628660.1 Cabel da 24 kV denter las staziuns da transfurmaziun 311 Vella, Palius e la staziun da transfurmaziun 333 Vella Mulin - Nova colligiaziun da cabels
coordinatas: da 2732505 / 1175404 a 27327927 / 1175316
Agl inspectorat federal d'installaziuns a ferm ei vegniu inoltrau la damonda d'approbaziun dils plans ch'ei menziunada cheu survart.
Damonda da: Repower AG Surselva, Via Santeri 74, 7130 Glion
Exposiziun publica:
Ils documents da damonda vegnan exponi publicamein naven dils 28 da matg 2026 entochen ils 29 da zercladur 2026 ell'administraziun communala Lumnezia Vella, ni san vegnir consultai en fuorma electronica sin: https://esti-eonsultation.eh/pub/7209/54bd508f22. Relevants ein mo ils documents ch'ein exponi ella vischnaunca.
La damonda suttamessa cumpeglia las suandontas damondas per autorisaziun(s) excepziunala(s) / perrnissiun(s) excepziunala(s):
- Lubientscha excepziunala per baghetgs e stabiliments ordeifer la zona da baghegiar el senn digl art. 24 ss. dalla Lescha federala davart la planisaziun dil territori (LPT; CS 700)
L'exposiziun publica caschuna in scamond d'expropriaziun tenor ils artechels 42 tochen 44 dalla Lescha federala d'expropriaziun (LExpr; CS 711). Sche l'expropriaziun tanghescha contracts da locaziun e da fittanza ch'ein buca prenotadas el register funsil, ston las locaturas ed ils locaturs communicar quei a lur locatarias e locataris resp. las affittadras ed ils affittaders a lur fittadras e fittaders immediatamein suenter ch'ellas ed els han survegniu l'annunzia persunala. Plinavon ston ellas ed els informar l'exproprianta davart talas relaziuns da locaziun e da fittanza (art. 32 al. 1 LExpr).
Protestas:
Tgi ch'ei partius tenor las prescripziuns dalla Lescha federala davart la procedura administrativa (LFPA; CS 172.021 ), sa far protesta duront il termin d'exposiziun tier igl Inspectorat federal d'installaziuns a renta ferma, Projects, Luppmenstrasse 1, 8320 Fehraltorf.
Quella protesta sa vegnir inoltrada en scret ni electronicamein. En quei cass sto la protesta ademplir las directivas davart las inoltraziuns electronicas e sto denter auter mantener ina suttascripziun electronica qualificada (cf. art. 5 tochen 7 dall'Ordinaziun davart la communicaziun electronica enteifer ina procedura administrativa [CS 172.021.2]. Tgi ch'ei fa buca protesta enteifer il termin, ei exclaus dall'ulteriura procedura.
Tgi ch'ei partida tenor las prescripziuns dalla LExpr, sa far valer duront il termin d'exposiziun tut las damondas tenor artechel 33 LExpr. quei en principi:
a. protestas encunter l'expropriaziun;
b. damondas tenor ils artechels 7-10 LExpr;
c. damonda per ina prestaziun en natiralias (art. 18 LExpr);
d. damonda d'ina extensiun dall'expropriaziun (art. 12 LExpr);
e. l'indemnisaziun d'expropriaziun pretendida.
Obligai d'annunziar pretensiuns enteifer il termin da protesta en era las locatarias ed ils locataris, las fittadras ed ils fittaders sco era las possessuras ed ils possessurs dils dretgs da servitut e las credituras ed ils crediturs cun dretgs persunals prenotai. Ils dretgs da pegn e las cargas funsilas che garanteschan per in bein immobiliar che duei vegnir exproprius, ston buca vegnir annunziai, ils dretgs da gudida mo, sch'ei vegn pretendiu ch'ei seresulti in donn pervia dalla retratga digl object da gudida.