Uffeci forestal
Publicaziuns ufficialas
Il Ranger Team GmbH organisescha la sonda, ils 10 d’october 2026 naven dallas 13.30 entochen allas 15.00 uras, in’acziun da brat da caglias sin la deponia Siglinas 6 a Vella. Quei di astga la populaziun da Lumnezia brattar gratuitamein caglias jastras, sco siringia da stad (Sommerflieder), arbagia da tschareschas (Kirschlorbeer), thuja ni cotoneaster, ord igl agen curtgin cun spezias indigenas.
Las plontas astgan vegnir elegidas ed empustadas tenor ina gliesta. La quantitad dallas empustaziuns ei limitada sin 10 tocs. Silsuenter cuosta mintga plonta 5.00 CHF. La grondezia variescha denter 20 – 150 cm, las sorts vegnan dai en quickpots. Il termin d’empustaziun cuoza entochen ils 18 da settember 2026.