Tgi che vul retrer lenna da brisch dalla vischnaunca Lumnezia duei far l’empustaziun corrispundenta entochen ils 31 da december all'administraziun communala per telefon sut 081 920 60 00 ni cun il formular online. Ei vegn dau giu sulettamein lenna da pegn. La proxima furniziun succeda entschatta digl onn 2027.
Lenna che vegn empustada agl ur dalla via d’uaul ei d’allontanar ord igl uaul sil pli tard 30 gis suenter haver retschiert il quen (prighel da baus).
La vischnaunca metta a disposiziun ils suandonts sortiments:
Lenna rodunda agl ur dalla via d'uaul frs. 45.–/m3 (furniziun avrel/ matg 2027)
Lenna rodunda sper casa frs. 65.–/m3 (furniziun avrel/ matg 2027)
Buoras sper casa frs. 105.–/m3 (furniziun schaner/ fevrer 2027)
La vischnaunca furnescha negina scheita franco casa pli. Per gliez sevulvir per plascher tier furniturs privats.
Giavischs specials ed empustaziuns retardadas vegnan messas a quen tenor la lavur.