Il president communal stat a disposiziun a vischinas e vischins en casa communala a Vella per discuors individuals tenor cunvegnientscha.

Nus supplichein da coordinar il termin ordavon sur la canzlia communala sut 081 920 60 00 ni info(at)lumnezia.ch.

• Fegl ufficial Surselva
• Fegl ufficial dil Grischun

Dapli informaziuns anfleis Vus cheu.

https://eportal.gr.ch/Pages/Default.aspx
https://www.gr.ch/DE/Seiten/welcome.aspx
https://www.gr-lex.gr.ch/app/de/systematic/texts_of_law

La schitgira cuntinuonta e las temperaturas aultas meinan en grondas parts dil Grischun ad in prighel d'incendis d'uaul augmentau sco era ad eventualas restricziuns tier il provediment d'aua. Igl uffeci d'uaul e prighels dalla natira ha perquei relaschau per la Val dil Rein da Cuera sco era per las regiuns Partenz, Scanvetg, Surselva e Muntogna/Tumliasca in scamond absolut da far fiug el liber. Els territoris pertuccai ein tuttas activitads da far fiug ordeifer il spazi da habitar scumandadas. Las vischnauncas san relaschar prescripziuns supplementaras che pertuccan era il territori da habitar. Ulteriuras informaziuns davart il prighel actual d'incendis d'uaul sco era las mesiras vertentas anfleis Vus sut www.waldbrandgefahr.gr.ch.

Indicaziuns da cumportament: en general negins fiugs el liber, fueinas endrizzadas fixamein (terren betunau!) san vegnir duvradas cun tutta precauziun en loghens indicai dallas autoritads! negin fiug tier ferm vent, suandar exnum las instrucziuns (scumonds da far fiug) dallas autoritads localas!

Retratgas d'aua ord auas da surfatscha basegnan da principi ina concessiun dalla vischnaunca ed ina lubientscha dil departament d'educaziun, cultura e protecziun digl ambient. En situaziuns d'urgenza san retratgas d'aua limitadas vegnir toleradas senza ina tala lubientscha, aschiditg ch'ellas han buca per consequenza livels d'aua critics per las auas corrispundentas. Leutier eis ei d'informar ton la vischnaunca sco igl uffeci per la natira ed igl ambient (UNA) davart las prelevaziuns corrispundentas.

Naven da gievgia, ils 18 da zercladur 2026 tschaffa in'unda da calira marcanta la Svizra che cuoza probablamein silmeins entochen margis proxim. Corrispundentamein ei vegniu dau ora in avertiment da calira dils scalems 3 e 4. Cun las temperaturas carschentas survegn la protecziun dalla sanadad tier caliras vinavon impurtonza. Tut las informaziuns digl Uffeci federal da sanadad anfleis Vus sin www.hitzewelle.ch.

Recamondaziuns da cumportament: risguardar avertiments da calira, proteger persunas da resca, tener freid il tgierp, adattar il nutriment ed il cumportament da beiber, procurar per in dacasa frestg.